Sheekha ayaa waxaa uu cod dheer ku sheegay in uu isagu ka mid yahay dadka aamisan in saldhigaasi dhibaato weyn Somaliland u hor seedi karo isla markaana waxaa sheegay xataa hadii ay baarlamaanku lacag ku ansixiyaan heshiiskaas aan la aqbali doonin ilaa ay dadku ku qancaan
“Taladeyda koobani waxaa ay tahay waar arintaasi aynu isku hayno waa arin khuseysa dhawr boqol oo sanadood ee yaan lagu deg degin , waxaana aanu leenahay waar caqli ha lagu daro arimaha qaarkood .
Arintan daraasado badan ayaa laga sameeyey oo dad badan oo aqoon leh ay ka sameeyeen anigu waxaan ka mid ahay dadka leh saldhigaasi dhib ayuu ku keenayaa umada mustaqbalkooda iyo maanta inta aynu sidan nahay , umada Somaliland inta caqliga leh waxaanu leenahay Saldhiga Berberi waa dagaal aan wado laheyn , xataa hadii ay baarlamaanku lacag ku ansixiyaan cid aqbaleysa ma jirto dadka oo ku qanca mooyaane ” ayuu yidhi Sheekh Aadan Siiro
Halkan Hoose Ka Daawo Muuqaalka Warkan
