War Deg Deg Ah Isku Dhaca Laba Baabuur Oo Midi Kamid Ahaa Gawaadhidii La Socday Gudoomiye Cirro Oo U Safrayay Gobolka Saaxil Oo Khasaare Sababay+Khasaaraha Ka Dhashay+Sawiro

0
19
Hargeysa(Saxilnews)-Waxa maanta jidka wayn ee isku xidha magaalooyinka hargeysa iyo berbera ka dhacay shil baabuur oo aad u naxdin badan isla markaana sababay khasaare dhaawac.Waxaana shilkan baabuur uu ka dhacay duleedka tuulada Aw-barkhadle,iyada oona ay isku dhaceen laba baabuur oo kala ahaa gawaadhida loo yaqaano VITS ama Dukhaan iyo mid kamida gaadhi ay saarnaayeen ciidamada ilaalada gudoomiyaha golaha wakiilada Somaliland ahna gudoomiyaha xisbiga WADDANI mudane Cabdiraxmaan Cirro oo saaka safar ugu baxay degmada Dacar-budhuq ee gobolka saaxil.Waxaana shilkan baabuur uu sababay sida naloo sheegay khasaaraha dhaawaca 5 qof oo la kala socday labada gaadhi iyagana oona dhaawaca dadkaasi loosoo qaaaday cusbitaalka magaalada hargeysa.

Darawalkii waday gaadhiga yar ayaa la sheegay in xaaladiisa caafimaad ay aad u adag tahay wallow ay dhakhaatiirta cusbitaalka hargeysa la tacaalayaan xaaladiisa.

Isku dhaca labadan baabuur ayaa naloo sheegay inuu ka dhashay kadib markii uu darawalkii waday gaadhiga yare e VITZ-ta ah uu is yidhi dhaaf gaadhi booyada intaasi kadibna ay si kadis ah iskugu soo baxeen gaadhigan ay wateen ilaalada gudoomiye Cirro oo ahaa Landgurezer,halkaasina uu ka dhashay isku dhacaasi.

Madaxwaynaha Somaliland iyo wafti uu hogaaminayo oo iyaguna u socday degmada Dacar-budhuq ayaa goobta soo gaadhay oo la kulmay shilkan foosha xun ee ka dhacay duleedka tuulada Aw-barkhadle.

123456

LEAVE A REPLY

Please enter your comment!
Please enter your name here