Sool(Saxilnews) :- war hor dhaca ah ee laga helayo tuulada dharkayn geenyo oo ka tirsan degmada Kalabaydh ee gobolka sool ayaa waxa uu sheegayaa in saaka dagaal culus ka dhex qarxay beelaha walaalaha ee Baharar-same iyo Qayaad oo hore dhawaan ugu dagaalamay deegaanadaasi.
Khasaaraha ka dhashay ilaa hataan inta la ogyahay ayaa ah 8 qof oo dhimasho ah kuwaasi oo ka dhintay dhinaca beesha Baharar-same halka beesha kale ee Qayaad ee dagaalka u dhaxeeyo aan wali laga haynin wax tiro rasmi ah oo dagaalkaasi kaga dhintay.
Wararka ayaa waxa kale oo intaasi ay ku darayaan in ilaa haatan aanu jirin wax gurmad ah oo dhinaca xukumada Somaliland ah,
Iyada oo ay xusid mudan tahay in agagaarka deegaankasi uu dagaalku ka dhacay ay ku dhow yihiin ciidamada Qaranka Somaliland ee Jiida hore,
Dhawaan ayay ahayd markii xukumada Somaliland iyo Salaadiinta ka socota guud ahaanba gobolada Somaliland ay halkaasi dhawaan kusoo afmeereen heshiis laga soo saaray qodobo hase yeeshee aan lagu aflixin.
Lasoco wixii war ah ee ka soo kordha
