Moqdisho Saxilnews):- Ururka Al-Shabaab ayaa tababar u soo xidheen dagaalyahano ka soo jeeda Kenya,kuwaasoo ka mid noqonaya dagaalamayaasha Al-Shabaab oo weeraro ku qaadaya gudaha Kenya.
Muuqaal Video ay baahisay garabka warbaahinta Al-Shabaab ee loo yaqaano Al-kataib ayaa waxaa ka soo muuqday dagaalyahano xidhnaa dharka milateriga, wajigana u duubnaa, kuwaasoo dhoolatus ku sameynaya goob howd ah oo ay beero ku yaallaan.
Afhayeenka Al-Shabaab Sheekh Cali Dheere ayaa la hadlay dagaalyahanadan Kenyanka ah, waxaa uu u sheegay inay ku soo biireen Al-Shabaab.
Waxaa uu sheegay in wixii hada ka dambeeya ciidamadan cusub ay weeraro ku qaadi doonaan gudaha Kenya, waxaana uu kula dar daarmay inay si adag ula dagaalamaan dowladda Kenya.
Al-Shabaab ayaa la sheegay inay qorteen dhalinyaro Kenyan ah, waxaana la sheegay in boqolaal dagaalamayaal u dhashay Kenya ay ka bar bar dagaalamaan.
Ilaysnews/Moqdisho Desk
