Jigjiga (saxilnews.com) – Ra’isal Wasaaraha Waddanka Itoobiya Abiy Ahmed Cali ayaa socdaalkiisii ugu horeeyay Tan iyo markii xilka loo dhaariyay ku tagay Magaaladda Jigjiga ee caasimadda Ismaamulka Soomaalida Ethiopia.
 |
Ra’isal Wasaaraha iyo wafti uu hogaaminayo oo ka soo degay Garoonka Diyaaradaha ee Jigjiga ayaa waxa si diiran halkaasi ugu soo dhaweeyay Madaxda Ismaamulka Soomaalida Ethiopia oo uu ugu horeeyo Madaxweyne Cabdi Maxamuud Cumar.
Waftiga ayaa waxa xubno ka ahaa Ra’isal Wasaare Ku Xigeenka Waddankaasi Demeke Mekonnen iyo madaxa xafiiska Xisbiga Xukuma Wadanka Itoobiya ee EPRDF Shaferaw Shigute.
inta ay joogaan halkaasi ayaa waxa lagu wadaa in ay kulamo kala duwan la
yeeshaan Madaxda Dawlad Deegaanka Soomaalida Ethiopia iyo qaybaha kala duwan ee bulshada iyaga oo u kuur geli doona inta ay joogaan halkaasi arrimaha bulshada.
sidoo kale waxa uu soo kormeeri doonaa mashaariicda horumarineed ee ka socda dawlad deegaanka soomaalida Ethiopia, halka uu dhinaca kalena meel fagaare kulan balaadhan kula qaadan doono qaybaha kala duwan ee bulshada.
Hadhwanaagnews/Office
