Xiddiga Manchester United Marcus Rashford ayaa si deg deg ah u amaanay weeraryahanka Paris Saint-Germain Kylian Mbappe ka dib seddexleydii cajiibka aheyd ee uu ka dhaliyay Barcelona.
Xiddiga Faransiiska ayaa seddex gool ka dhaliyay kooxda Catalans iyadoo PSG ay 4-1 ku badisay ciyaartii Camp Nou taasoo ka dhigeysa kooxda Mauricio Pochettino inay ugu cadcad yihiin inay u soo gudbaan wareega 8da Champions League.
Lionel Messi ayaa hogaanka u dhiibay Barcelona laakiin waxaa intii ciyaarta ka harsaneyd daboolay Kylian Mbappe kaasoo 33 jirkaan qariyay isagoo dhaliyay seddexleey cajiib ah.
Qaab ciyaareedka Mbappe ayaa keentay inay dunida kubada cagta ka hadlaan maanta, Marcus Rashford ayaa ka mid ah dadkii Twitter ku amaanay xiddiga ku guuleystay Koobka Adduunka.
“Alla muxuu qaab ciyaareed ahaa” ayuu Rashford soo qoray isagoo ku tag gareeyay Mbappe, wuxuuna raaciyay emoji holac ah.
