Hargeysa (Saxilnews):- Kadib shir uu madaxweyne Siilaanyo mawqifkiiska qabsoomiddadoorashada la xidhiidha ku caddeeyey oo uu la yeeshay xubnaha guddida doorashooyinka qaranka, ayaa waxa la filayaa inuu maanta ama Berri khudbad dheer ujeediyo bulshada reer Somaliland iyo weliba beesha caalamka ee doorashooyinka dalka daneeya.

Warar hoose oo uu helayo wargeyska Hubaal, ayaa sheegaya inuu madaxweynuhu talooyin badan urursaday, isla-markaana ku gudo jiro diyaarinta khudbaddii uu ku caddaynayey mawqifkiisa la xidhiidha qabsoomidda doorashooyinka madaxtinimada ee qorshaysan 28-ka bisha March ee sadanka 2017-ka oo axsaabta mucaaridku dib uga fadhiisteen, balse isaga iyo xisbigiisa KULMIYE-ba dedaal ugu jiraan inaanay dib udhicin.

 

Madaxweyne Siilaanyo, ayaa la filayaa inuu khudbaddiisa ku caddeeyo sida aanu xiisaha ugu qabin in markiisii labaad loo kordhiyo, isla-markaana ay isaga iyo xukuumaddiisaba ka go’an tahay inuu doorashada maalinteeda ku qabto, isla-markaana uu hirgelin doono gurmad ballaadhan oo bulshada abaartu taabatay loogu gargaarayo.

Madaxweynaha ayaa khudbadiisan kula hadli doona beesha caalamka, axsaabta qaranka iyo weliba bulshada reer Somaliland, waxana ku caddayn doonaa inuu dalka doorasho aan muddo-dhaafin ka qaban doono, sida wararku sheegayaan.

Souce:- Hubaal