Maareeyaha maamulka Wajaale: ‘Liyuu Boolis ayaa i dhaawacay’
Kooban
- Booliiska oo lagu wareejiyay sugidda ammaanka Muqdisho
- Wiil Soomaali ah oo orod caalami ah kaalinta labaad ka galay
- Qaramada Midoobay oo cambaareysay weerar ka dhacay Yemen
- Shirkadda Tullow oo Kenya la gashay heshiis dhanka shidaal dhoofinta ah
- Cabdi Maxamuud Cumar oo la qabtay
- Madaxweyne Farmaajo oo garsoorayaal magacaabay
- Madaxweynaha dowlad deegaanka soomaalida Itoobiya oo is casilay
- Dadka aan Soomaalida ahayn ee Jigjiga oo wali gadoodsan
- Madaxweynaha cusub ee dowlad deegaanka soomaalida Itoobiya oo wareysi gaar ah siiyay BBC-da
Tebin toos ah
Maareeyaha maamulka Wajaale: ‘Liyuu Boolis ayaa i dhaawacay’
BBC
Maareeyaha maamulka ee degmada Tog-wajaale, qaybta Itoobiya ay maamusho, ahna ku xigeenka duqa magaalada, Axmed-Khadar Cabdi Cali ayaa ku eedeeyey Liyuu booliska inay xalay toogasho ku dhaawaceen.
Wuxuu sheegay in xilliga xabbadda lagu soo riday uu isku dayayey inuu ka hor istaago Liyuu booliska “inay qaataan gaari dabdamis ah oo magaaladu lahayd”.
Dhaawaca ayuu sheegay inuu madaxa ka gaaray, oo xabbaddu ay hilibka dhex martay, xaaladiisuna ay fiican tahay.
Wuxuu intaa ku daray in ay isla wakhtigaas u gurmanayeen qaylo dhaan uga timid xero ciidan oo loo sheegay in “dhallinyaro ay rabshado ka wadaan”.
“Dabdamiskii iyo alaab kaleba waa qaateen, qaarna dhaawacyo ayey gaarsiiyeen” ayuu yiri Axmed-Khadar.
Dhinaca kalena, sida uu BBC u sheegay guddoomiyaha degmada Balli-gubadle ee dhinaca Somaliland, Yaasiin Maxamed Shide, maamulkiisu wuxuu ilaalo u diray seddex goobood oo gobolka Hawd xiga oo ay fariisimo ku lahaayen ciidanka Liyuu Booliska.
Goobahaas ayuu ku sheegay inay ku yaallaan Balli Cabbane, Gumar iyo Balli-gubadle oo dhamaantood ku yaalla xudduudda u dhaxaysa Somaliland iyo Itoobiya.
“Si aan uga badbaadinno in la boobo ayaan xeryahaas ugu dirnay dad ilaaliya, ilaa iyo inta maamulka Itoobiya ay uga imaanayaan” ayuu BBC ku yiri Yaasiin Maxamed Shide
