soomalidu Isu dhigtay meel geerigo,an ah ee ay qaar siyaasiyiin
sheegta oo calooshod u shaqaystayaalina ay shisheeyaha qadaadic
lacaga ugaga qaatan inay sidaa u burbursanaato
Waxay maansadu si xeel dheer uga hadlaysaa sida ay dadkeena qabiilku
ama reernimadu ay u ragaadisay qayrkeedna ay uga reebtay iyo duluc
ahaan aad markad akhrido waxyaabo badan oo aad adi dareemi kartid oo
aad adigu ka dhexfahmi kartid maansadana sida tanbu hal-abuurku ku
iba furtay-:
Ha ku digan qofkii dagan
Hadii u dayacanyahay
Fiiro hawgu daadegin
Adoon duunyo siinayn
Duulkaliyo dhaqankood
Dacwad adigu haw qabin
Taada adoon daryeelayn
Haku deyan mid dayro ah
Dharka iyo dirayskay
Dacaladu banaanyiin
Deg deg adigu haw xidhan
Xeel dagaasha gaaladu
Yaanay degal barwaaqiyo
Dab la shidayo ku noqon
Da,a waayo doodeen
Dal dalooladaadiyo
Docda kaa banaan iyo
Yeey dareemin meelaha
Badi aad ka dagantahay
Ruuxan doonin guusha
Dayr dhaxanta celiyiyo
Dugsi yaani ku noqon
Wakhtiyada is daba mara
Dayrow feejignaan iyo
Dunji qalin ku suure
Deriskiyo qaraabada
Wixii kala dilaayiyo
Dil dilaaca ka ogow
Deelqafna yuu jirin
Dacadnimadu waa sharaf
Daaqada wanaag iyo
Darajooyin lagu helo
Balaan dooda sheekada
Sii yara dabaashe
Ku darso waxaa jira
Cudur aan dabiib iyo
Dawadisa maarada
Loo helin si diiqo
Doonistisa maalmiyo
Saban doora oo badan
Gacmo daalis lagu helo
Doonistiyo xalkiisna
Wakhti doora dabadeed
Dawadisi loo helay
Daraan mid dhayaysiyo
Ay u tahay dabiib badi
Soomalay dayacankaa
Daaduunka caydheed
Dhaxantiyo daybaylaha
Dawarsiga shisheeyaha
Dildilaacyadaadiyo
Dufaanta reernimo
Adiga is dabawada
Inaad noqoto duug iyo
Shay aan eegmo loo deyin
Daleesha adays dhigay
Hadaan arar u duur xulo
Sugaan duxdeedi
Geed damalaba beri
Dudo reer ku baaluqay
Dacalada caleemiyo
Laamaha u kala diray
Mudo dhawr gu, dabadeed
Baa dirici reerkaba
Doojinayey goorta
Gudin aad u daran uu
Kaga gooyey dacalada
Geedki jawaab daran
Iyo dood ku suure
Hadaan daab badhkaygi
Gudin door mihiiye
Dacad ku gargaarayn
Walee inaad i doonteen
Hinqashana dareenten
Goyna daaba weeyan
Bulshooy daranyadaadiyo
Doog ragaad ku yeeshiyo
Dhaawacyada ku degaye
Dusha haara ka baday
Waxa kugu dawgalay
Waa doqon siyaasiga
Docohaaga yuurura
Dadkalana qabaan u ah
Dabadhilifka gaalkee
Macdantaada doorka ah
Daayin adiga ku dhigay
U dal dala shisheeyaha
Bedelka iyo daynkeed
Daroogoyin ku gada
Kuwa dir iyo daabaca
Dumintaada lacag iyo
Doolar shilin ku iibsada
Damaqayga qiirada
Soomalay dareenli,
Doodiyo su,aashay
Kuwa kugu dugsiya reer
Bal keeba dadaalo
Darma naba ku dhiga
Durdur aad ku oon bixi
Dabool kaaga furayo
Ka durduuro kugu yidhi
Danabyada rasaastana
Markay kugu dabreeyaan
Mid damqada bal ii sheeg
Raga diidan nabadaa
Idinka u doodo
Dusha heeryo ugu sida
Sida duunyo xoolad
Idinkow dareero
Sida maal dar loo horay
Badi daba raqleeye
Soomalay dadaalo
Horta garo dadbaadtahay
Tasho oo isdaba qabo
Dulucdayda sheekada
Balan ku dulxaadahe
Duli haysku qaaybin
Sida habar dugaagana
Hays diiran adiguye
Diirimaadka nolaleed
Garo dawga loo maro
Daahba kama saarne
Dirqi haw guclaynine
U dadaala guulaha
Umiyuhu u daadegay
Facebook mukhtaar carab bandaali
