dhaawacyada iyo meydadka oo la keenay cisbital Madina
Ugu yaraan lix qof oo rayid ah ayaa ku dhintay, todobo kalena way ku dhaawacmeen qarax saaka ka dhacay waddada isku xirta Muqdisho iyo Afgooye.
Maydadka iyo dhaawaca dadkan ayaa la dhigay isbitaalka Madiino ee magaalada Muqdisho sida ay sheegeen saraakiisha caafimaadka.
Dadka qaraxa uu qabsaday ayaa la socday gaari mini bas ah oo ka baxay magaalada Muqdisho kaas oo ku socday deegaanka Daafeed ee gobolka Shabeellaha Hoose.
Miino wadada dhinaceeda la dhigay meel aan sidaa uga fogeyn isbitaalka Xaawo Cabdi ayaa ku qaraxday gaariga.
Tirada dhimashada iyo dhaawaca ayaa intaas laga badinayaa iyadoo dadka gaariga saaran ay ka badnaayeen tirada dhaawaca iyo dhimashada ee isbitaalka Madiino la geeyay.
Illaa iyo hadda ma jirto cid sheegatay masuuliyadda qaraxa.
Wixii warar ah ee ka soo kordho halkan kala soco.
Lix qof oo Turki ah, sagaal Soomaali ah ayaa ku dhaawacmay qaraxii Afgooye
xigasho BBC
