Hargeysa: Beesha Arab Oo U Soo Hayaanta Garoonka Hirdanka Musharaxa Madaxweyne Ee Xisbiga KULMIYE Uu Ka Dhacayo Iyo Xildhibaan Axmed Kijaandhe Oo Maanta Beeshu Cudud Ku Taageertay
Hargeysa (Saxilnews)-Xildhibaan Axmed Cabdi Kijaandhe ayaa maanta xaflad weyn oo uu ku shaacinayey musharaxnimadiisa Xisbiga KULMIYE, ku qabtay Hotel Hadhwanaag ee magaalada Hargeysa,taas oo ay ka soo qayb-galeen salaadiinta cuqaash, dhalinyarada , hawaanka Iyo siyaasiyiinta beesha.
Xafladan oo ahayd mid aad u heersaraysa, ayaa waxa ugu horayn ka haddlay Musharax Xildhibnaan Axmed C/ Kijaandhe, isagoo halkaasi ka sheegay inuu u tartamayo musharaxnimada Madaxweyne ee Xisbiga KULMIYE,waxaanu hoosta Ka xariiqay in aanu ka tanaasuli doonin hankiisa,ilaa uu ku guuleysto ama laga guuleysto,isagoo halkaasi ka muujiyey kal soonida uu ku qabo beeshiisa iyo golaha dhexe ee xisbiga KULMIYE.
Dhanka kalena waxa xafladan ka soo xaadiray siyaasiyiinta beesha Arab, kuwaas oo taageero mug leh u muujinayey musharax kijaandhe,waxaa kamid ahaa Guddoomiye Cali Yuusuf,wasiir shugri xariir iyo weliba xildhibaan nac-nac iyo qaar kale oo tiro badan.
Isku soo wada xoorriyoo xafladan ayaa ahayd mid ay beesha Arab cudud weyn ku taageertay hanka xildhibaan Musharax Axmed Cabdi Kijaandhe,waxaana la dhawrayaa halka uu saldhigto hankaa beesha Arab iyo u hayaanka xilkaa musharaxa Madaxweyne ee KULMIYE.
saxilnews005@gmail.com
