Hargaysa (Saxilnews.com)-Muuse Biixi Cabdi, Guddoomiyaha xisbiga KULMIYE ayaa Tacsi u diray qoyska iyo ehelada Marxuum Sheekh Cumar Qowdhan oo ku geeriyooday Hargeysa.
Dhambaalka Tacsida ah ayaa u dhignaa sidan:-
Ujeeddo: Tacsi
Guddoomiyaha xisbiga talada haya ee KULMIYE Md. Muuse Biixi Cabdi, isagoo ku hadlaya magaciisa Guddiga Fulinta, Golaha Dhexe iyo guud ahaan taageerayaasha xisbiga KULMIYE, wuxuu tacsi tiiraanyo leh u dirayaa qoyska, qaraabada, ehelada iyo shacabka reer Somaliland ee uu ka baxay Marxuun Sheekh Cumar Qawdhan oo ku geeriyooday maanta (04/02/2015) magaalada Hargeysa.
Marxuum Sheekh Cumar Qawdhan wuxuu ka mid ahaa tiirarkii waawaynaa ee SNM, waxaanna si gaar ah loogu xasuusan doonaa xaruntiisii Dibiile ee uu halgaka ka taakulayn jiray.
