Hargeysa (Dawan)- Guddiga Caalamiga ee Laanqeyrta Cas ayaa shaaca ka qaaday inay maxaabiista jeelasha Hargeysa & Mandheera ku taageereen timir iyo xoolo 240 neef adhi ah, bisha Ramadaan ee bilaabmaysa awgeed.
War lagu baahiyey bogga ICRC ayaa lagu sheegay “Maxaabiista ku xidhan xabsiyada Hargeysa iyo Mandheera ayaa bisha barakeysan ee Ramadaan ku xusi doona cuntooyin kala duwan, sida timir, caado u ah muslimiinta soonka, iyo hilibka adhiga. Raashinkan ayaa qeyb ka ah raashin ay hay’adda ICRC u qeybisay xarumaha ay ku jiraan maxaabiista si ay uga qeyb qaataan xuska munaasabada iyo bulshada kale ee muslimiinta ah. Alaabooyinka kale ee loo qeybiyay labada goobood ee lagu hayo dadka lagu hayo ayaa waxaa ka mid ah garow, saliid, shaah, caano iyo sonkor.
Yuusuf Carte, madaxa xafiiska ICRC ee Hargeysa ayaa sheegay inaanay macquul ahayn maalin walba xoolo sidan loogu arko jeelka Hargeysa,
“Maalin walba ma aha in aad ku aragto in ka badan 100 adhi ah oo ku jira xabsiga. Maadama maxaabiista iyo maamulku ka hadlayaan bisha Ramadaan ee sanadkan.” ayuu yidhi
ICRC-du waxay booqataa xabsiyada iyo meelaha kale ee lagu hayo wadamada aduunka si ay u sugto bini’aadantinimada iyo ixtiraamka dadka xoriyada laga qaaday. Booqashooyinku waa qayb taariikhi ah oo ka mid ah shaqada ICRC-da waana taariikh dib ugu laabanaysa dagaalkii koowaad ee aduunka, halkaas oo xeryo tababar la booqdey iyada oo la eegayo in xaaladaha la wanaajiyo.
“Ramadaan waa mid muhiim u ah Muslimiinta oo dhan, waxayna fursad noo tahay dhammaanteen inaan xasuusanno in muddadan ay muhiim u tahay maxaabiista,” ayay tidhi Anike Doherty, Isuduwaha Ilaalinta ICRC. “Waxaan rajeyneynaa in tilmaantan ay ka caawin doonto inay si sharaf leh u soomaan.”
