Hargeysa (Dawan) Golaha wakiillada Somaliland ayaa maalintii doraad yeeshay kulan albaabadu u xidhan yihiin oo laga saaray dhammaan warbaahinta iyo shaqaalaha golahaba, ujeedada kulankan ayaa ku simaha guddoomiyaha golaha wakiilada ahna gudoomiye ku xigeenka kowaad ee golaha Siciid Mirre Faarax Giire, uu ku sheegay inay kaga arrinsanayeen qaabkii ka gole ahaan ay uga qayb qaadan lahaayeen xalinta dagaalka ka socda magaalada Laascaanood.
Kulanku markii uu dhammaaday waxa warbaahinta la wadaagay in guddi ay u saarayaan xaaladda Laascaanood gudoomiye Siciid.
Maalin kadib golaha wakiiladu waxa uu soo saaray guddi ka kooban 11 xildhibaan iyo sidoo kale guddoomye ku xigeenka labaad ee golaha mudane Cali Xaamud Jibriil iyo xog-hayaha guud ee golahaasi Cabdirisaaq Siciid Ayaanle, kuwaasi oo darsi doona xaaladda colaadeed ee ka taagan Laascaanood.
Magacyada Guddida xildhibaanada loo xilsaaray xalinta xaalada dagaalka Laascaanood oo soo gaadhay wargeyska Dawan ayaa u dhigna sidan.
Xildhibaan Axmed Cabdi Ibraahim Timo-jilc
Xildhibaan Axmed Muuse Jaamac
Xildhibaan Barkhad Jaamac Batuun
Xildhibaan Cali Xuseen Nuur Beegsi
Xildhibaan Cabdinaasir Yuusuf Cismaan Qodax
Xildhibaan Cabdillaahi Yuusuf Axmed
Xildhibaan Maxamed Xasan Siciid
Xildhibaan Mukhtaar Xuseen Maydhane
Xildhibaan Xuseen Yuusuf Ismaaciil Budul
Xildhibaan Xasan Saleebaan Dhuxul Laab-saalax
Guddidan ka kooban 11-ka xildhibaan ayaa saaka xarunta golaha wakiillada ku yeeshay kulankoodii u horeeyay, balse wixii ay ka wada hadleen wax faafhaahina kamay helin warbaahintu.
