Gaalkacayo (SaxilNews):- Geinkii danbe ee maalinti shalay oo Sabtida ayaa dagaal ka qarxay meel kaga beegan magaalada Gaalkacyo Koonfur Galbeed halkaas oo ahayd meelihii dagaaladii hore ka dhaceen.
Wararku waxay sheegayaan in Ciidamada Galmudug ay weerarka soo qadeen isla markaana dagaalka ka fureen aagag kala duwan, sida uu sheegay sarkaal ka tirsan ciidanka Puntland.
Subaxnimadii hore isla maanta oo Axad ah ayaa dagaalku ka bilowdey goob kale oo magaalada dhinaceed koonfureed iyo Galbeedba ah, oo u dhaxaysa labada Kontrool ee magaalada dhankeeda Koonfureed ku yaala.
Ciidamada Puntland ayaa ka dagaalamaya Buundada Koonfureed iyo Xurfadda halka la yidhaahdo.
Sarkaal u hadley Puntland ayaa sheegay in dhankooda ilaa hadda ay jirto dhimashada hal askeri, dhanka kalena aysan war u hayn.
