Qormadaydan waxaan damacsanahay inaan kaga hadlo arin taagan oo ah doorashada Somaliland, Doorasahda Madaxtooyada iyo Baarlamaanka oo la waday inay qabsoonto 26ka jun ee sanadkan gudihiisa ayaa sidaa la wada socotaan waxaa ku yimi hakad iyo dubu dhac, kolay eedeeda waxaa iska leh ciduun cidii lahaydna maaha inay iska riixdo oo cid aan eeda lahayn ay saaraan waajibku wuxuu yahay inay qirtaan oo badheedhahooda cadaystaan.
Golaha 82-ka mudane ee fadhiya kuraasta baarlamaankeena waxaa lasoo doortay saandkii 2005 maantana waxaa la marayaa 2015-ka mudadii sharcigu dhigaayeyna waxay ahayd 5-sano inay xasaanada hayaan ka dibna ay baneeyaan kuraasta si kuwo kale looso doorto, balse may dhicin waxay fadhiyeen 10-sano oo qeyrul sharci ah, Gudoomiye ciro waxaa dhawaan lagu eedeeyey inuu noqday Budhcad sharci oo xeerkii Madaxweynuhu usoo gudbiyey ee goluhu ansixiyey uu bedelay isaga iyo xildhibaano xisbigiisa ah, arintaasi ay ka xanaaqeen guurtidu dibna ugu soo celiyeen
Golaha baarlamaanku oo uu ugu horeeyo Ciro sharci daradii ay ku fadhiyeen kuraasta waxay ku darsadeen sharci xumo iyo inay marba xeerarkii bedelaan, xaqiiqada inoo cad waxay tahay 82- xildhibaan isku daroo midna anaanu doonayn inuu kursigaa baneeyo midkastaana wuxuu doonayaa inuu xaaraan kusii fadhiyo, cirana waa kaga raali oo isna wuxuu doonayaa inuu kursigaa gudoomiyenimada xaaraantaa ku haysto kuna ishaa falataysto laba kaadhle nimadiisa .
Hadii aynu Gudoomiyaha soo qaadano waa cirro ee isagoo baarlamaanka horjooge u ah Toban sanadood oo xaaraana soo fadhiyey hadana waa gudoomiye xisbi mucaarid waliba waa musharax madaxweyne, waxaa la ogaa kursigaas inuu cabdiraxmaan si uu ugu sii fadhiyo dhiig u daatay oo dad dartii ugu dhinteen, Cirro waa” Hasha Geela Xunta Ee Cabaadda” waayo isagoo sharci dajiye ah in shaqadii looga baahnayd ee ahayd inuu dhameeyo xeerka doorashada waliba wakhtigiisa intuu xaafadiisa dhigtay 5-bilood la hurday hadana uu ku eedeeyo xukuumada waa midaan caqliga wanaagsan sinaba uga dhaadhacayn.
Madaxweyne Siilaanyo waa nin waayo arag ah wax badan usoo joogay dan kursiga uu maanta ku fadhiyana dan uu leeyahay uguma fadhiyo ee dan shacab iyo maslxad qaran buu ugu fadhiyaa, silaanyo waa ninkii 80-ka cod ee laga musuq masuqay haneeyey gobanimada ka raacay, qarankiisa iyo dadkiisana ugu tudhay inuu sameeyo tanaasul waliba iyadoo xaaraan lagu qaatay codadkiisii, halkaasad ka garan kartaa inaanu ahayn nin kursi jecel waayo haduu kursi jaceyl hayo maalintaa wuu ku dagaalami lahaa, Waliba isagoo jabhada duurka iyo xaska usoo galay si uu dadkiisa iyo dalkiisa uga samata saaro rajiimkii Cabdiraxmaan Ciro Golaha Baarlamaanka iyo xisbigiisa Wadaniba ka dhegaysan mayno nagana dhaadhicin mayaan doorashada siilaanyaa dib u dhigay dhaliisha idinkaa leh cidina idinlama wadaagto, Sidaad dantiina gaarkaa u ilaashanayseen baad dantii qaranka daayacdeen.
Cali Xasan
