Berbera (Saxilnews.com) Magaalada berbera ayaa saaka kuwaabiriisatay dhawaaqa iyo codadka kala duwan ee rasaasta taasi kasoo bilaabatay dhinaca guryaha dawlada ee shacabka gaar ahaaana goob uu dhisanayey nin kamid ah mujaahidiintii magaalada Berbera Faysal Wadka
Ciidanka booliska oo uu hogaaminayo taliye Khushi ayaa hawlgalo xoogan ugu baxay kadib markii ay amar ka heleen badhasaabka Gobolka Saaxil Jamac Yusuf Axmed sida uu sheegay taliyaha Qaybta Booliska Gobolka Saaxil
Ciidadmada oo wata gaadiidka gaashaman ayaa ku habsaday goobtii uu dhisanayey mujaahid faysal wadaka taasina waxay keentay inuu dagaal kala horyimaado ciidamada isaga iyo shacab ka gadoodsan sida ay ciidmada ula dhaqamayaan ninkaasi shacabka ahaa ee guriga dhisanayey intaasi kadib ciidmada ayaa rasaas xoogan ku harqiyey shacabkii kusoo qamaanay goobtii dhismuhu ka socday
Shacabka ayaa isku mar qudha dhulka utaabtay ciidanka oo dhagax ku harqiyey ciidankii adeegsanayey rasaasta nool waxaana halkaasi ka bilaabay iska hor imaad xoogan oo udhexeeya ciidanka booliska iyo shacabka ku dhaqan xaafada shacabka ee magaalada berbera
Taliyaha Ciidanka Gobolka Saaxil Mr Khushi ayaa sheegay inay gacanta kusoo dhigeen shacab aad utira badan oo gaadhay ilaa tobaneeyo ruux oo gacab siinayey nin dhisanayey dhul sharci darro ah taliyuhu wuxuu intaasi raaciyey inaan ilaa hada la hayn ninkii uu dagaalku ka bilaabmay ee Faysal Wadka
Dhanka kale sabaax oo kamid ahaa ragii goobtaasi aanu kula kulanay ayaa sheegay inuu ninkani samaysanayey jaajuur oo masaariif ka dayey waxayna meesha ka saareen inayn dhisme wadin waxa kale oo intaasi raaciyeen inuu ninkaasi mujaahidka ah ee lagu magacaabo faysal uu dhulkaasi lahaa tan iyo intii dalka lagu soo noqday
wixii warar ah ee soo kordha kala soco saxilnews.com
Saxilnews//Office
Berbera Somaliland
