Hargeysa (Saxilnews):- Gudoomiyaha golaha wakiilada Somaliland isla markaana ah musharaxamadaxweyne ee xisbiga Waddani Cabdiraxmaan Maxamed Cabdilaahi Ciro waxaa uu si kulul uga jawaabey hadalo maalintii shalay ahaa ka soo yeedhay Dhigiisa Kulmiye Muj Muuse Biixi
Muddane Ciro waxaa uu sheegay in ay qoyan yahiin dhibaatooyinkii iyo hagar doomiyin uu sheegay in uu Muuse Biixi dalka ka geystay iyo waliba jidgooyo uu u galay madaxweynaha Somaliland Axmed Maxamed Maxamuud Siilanyo waxaana uu u yidhi
” Waxaa ay ila tahay in ay ayaan daro tahay dad ay qoyan yahiin hagardaamooyinkii iyo dhibaataddii ay dalka u geysteen , oo ay muuqdan xabalihii shacbiga la gudaamey , oo khayriyada Hargeysa ka lahaa aniga oo wax dili kara duco qaadan maayo in ay maanta cid ku eedeyaan maxkamad ha la soo taago , hadii cid maxkamad la soo taagayo waxaa cad raadkii Muuse Biixi uu jidgooyada u galay Madaxweynaha Somaliland oo qof wliba Ogyahay ” ayuu yidhi Ciro
Sidoo kale Musharax Cabdraxmaan Ciro oo hadalkiis sii wata waxaaa uu yidhi
“Walalyaal waxaaa ay ila tahay Muuse dadka waxuu leeyahay akhiro ayaan u dirayaa waxaa halkan jooga hawl wadeenadii xisbiga ee dhaawaca loo geystay iyada oo la rabo in la bajiyo ” ayuu yidhi
Muddane Ciro Musharax Madaxweyne ee xisbiga Waddani waxaa uu soo jeediyey in aan bulshada la jeho habaabin , taarikhda Muuse Biixi iyo isaguna ay tahay mid cad uu bulshadu ka kala dheregsan tahay waxaana uu yidhi
“Waxaan ku baaqayaa umada yaan la jaho habaabinin , sheekooyinkii barigii hore socon mayaan , garoon xaadhan bayni rabnaa in aynu ku tartano , Waxaana aan leeyahay Muuse Taariikhdaadu wey cadahay teyduna waa ay cadahay , dalkana xisbiga Waddani bad baadadiisa ayaanu dooneynaa , shacbiguna hada waxaas wey ka ilbaxeen shugux shuguxdaas la tumaayo
Gabo Gabadii Musharax Cabdiraxmaan Ciro waxaa uu baaq u diray shacbiga Somaliland isaga oo sheegay in ay shacbiga u kala cadahay isaga iyo Muuse Biixi ka dalka baad baadinaa iyo ka shacbiga kala qeybinaya
“Shacbiga Somaliland waxaan leeyahay way idiin kala cadahay ka dalka bad baadinaya , ka dalka mideynaya , ka shacbiga isku tolaya iyo ka shacbiga kala qeybinaya ” ayuu yidhi Musharax Cabdiraxmaan Ciro
Halkan Hoose Ka Daawo Muuqaalka Warkan
