Waxaana naloo sheegay in ciidamadan oo Koox-koox u socda qaarkoodna ay gaadiidkooda wataan ay xalay si aada uu gaaf wareegayeen gudaha magaalooyinka Ceerigaabo iyo Laascaanood kuwaas oo si aada u sugayey amaanka magaalada.
Sidoo kalena ciidamadan ayaa xoguhu sheegeen inay ku raad joogaan rag ay uga shakiyeen inay ku lug leeyihiin kooxaha argagaxisada ah ee ka dagaalama dalka Somaliya oo la sheegay inay dhuumasho kusoo galeen magaalooyinkaasi.
Ilaa hadda nalooma sheegin cid ay ciidamada Boolisku ka qabteen magaalooyinka Ceerigaabo iyo Laascaanood,balse hawlgallkan ayaa si aada looga dareemayaa magaalada Laascaanood ee xarunta gobolka Sool.
Gabagabadiina ciidamada Booliska Somaliland ayaa iyagu ah kuwo hadh iyo habeen heegan ugu jira sidii ay shacabkoodu ugu naaloon lahaayeen nabad iyo xasilooni,waxaana gawlgallada ciidamadu sameeyaan ay qayb ka yihiin sugida amaanka magaalooyinka iyo shacabka ku dhaqanba.
