Hargeisa (SAXILNEWS)_Madaxweyne Siilaanyo oo ay soo dhaweyeen garabyada xisbiga Kulmiye u kala jabay ayaa salaanta madaxweynaha saf dheer u galay, taasina waxay muujinaysay sida xurgufutu uga dhaxayso masuuliyiinta Kulmiye.
Mudane, Siilaanyo ayaa sheegay in wadanku dimquraadi yahay, isla markaana qof kastaaba xaq u leeyahay inuu muujiyo hankiisa, taas oo fariin u noqotay labada garab ee xisbiga Kulmiye.
Safka dheer ee ka dambeeya rooga cac ee maaxweynuhu maro marka uu salaanta qaadaanyo waxaa soo buux dhaafiyey masuuliyiin kala duwan oo xukuumada madaxweyne Siilaanyo xilal kala duwan ka haya, kuwaas tan iyo markii Siilaanyo dalka ka dhoofay u kala fadhiyey laba garab, isla markaana aan is arki Karin ayaa saaka ku kulmay rooga cas ee lagu sharfo madaxweyne
Madaxweyne xigeenka Somaliland, gudoomiyaha Kulmiye, gudoomiye xigeenka kowaad ee golaha wakiilada, gudoomiye xigeenka saddexaad ee Kulmiye, wasiirka arrimaha dibada ee Somaliland Maxamed Biixi Yoonis iyo masuuliyiin kale oo ka tirsan garabyada kala duwan ee labada dhinac ayaa midba midka kale jidhka iska galinaayey.
Saaka waxaad moday in loo kala baratamaayo gacan qaadka madaxweyne, taas oo dhuula tus u ah taageerayasha labada garab ee Kulmiye, waxaana ka dhex muuqday masuuliyiinta Kulmiye dhexdiisa iska caabin iyo dareeno kala fog oo ay kala qaateen iyaga dhexdoodu.
Way kala fogaadeen, laakin markii dambe waxaa isku soo dhaweeyey madaxweyne ku xigeenka oo safka baal ka soo galay, kaas oo ay aad isugu dhawaayeen Muuse Biixi Cabdi, laakin kamay fogayn saaxiibadiisa kale, waxaana isku dhinac maray Cabdiraxmaan Talyanle, Maxamed Biixi Yoonis iyo xulafadooda.
Salaan aanay ka muuqaan gacaltooyo ayey dirqi iskula haleen, wayse kala boodeen sida birlabtu u kala boodo marka laba dhinac oo aan is lahayn laysku liso.
maxamed ilkacase
berbera2002@gmail.com
