Hargeysa:(Dawan):-Guddoomiyaha Urur Siyaasadeedka Talowaaag
Ibrahim Mahdi Buubaa ayaa ugu baaqay shacabka Somaliland inay meel uga soo wada jeestaan difaaca dalka.
Ibrahim Mahdi Buubaa ayaa tilmaamay in dagaalka Laascaanood yahay isku daygii ugu dambeeyay ee lagu doonayo in lagu waxyeeleeyo jiritaanka Somaliland,
Ibrahim Buubaa oo arimahaasi ka hadlayayna Waxa uu yidhi”Waa isku daygii ugu dambeeyay Soddonkaa sannadood iyo dheeraadka ay Somaliland jirtay ee lagu doonayay in lagu waxyeeleeyo oo lagu fashiliyo jiritaanka iyo dawladnimada Somaliland,waanay ka balaadhan tahay dagaalka Laascaanood arin reer Laascaanood ku diidan yihiin dawladnimada Somaliland,waana in gacmaha isku qabsadaan inta jecel Somaliland una midoobaan sidii meel uga soo wad jeedsan la haayeen difaaca qaranka ee soddonka sannadood lagu soo tabcayay.waad aragtaan sida laysku soo kaashaday iyo Ciidaamada aan xadka lahan ee soo galaya Laascaanood iyo dagaalka habeen iyo maalinba la maleegayo, waxay muujinayaan qorshayaal lagu doonayo in lagu fashiliyo Somaliland,waxaana lagaga bixi karaa iyadoo qaranka lays barbar taago oo Umadda Somaliland gacmaha isqabsato. marlabaad loo diyaargaroobo halgankii loo soo maray dib ula soo noqoshada Madaxbanaanida Somaliland,”.
Sidoo kale Ibraahim Buubaa ayaa waxa uu tilmaamay in aanay jirin Guddi dhaqan oo Siyaasada jaangoysa.Waxaaana uu yidhi”Guddi dhaqan oo Siyaasada jaangoysaa ma,jirto Jihaynta iyo jaangiynta Siyaasada ururo ayaa loo furtaa Xisbiyo ayaa loo samaystaa,deegaan aan kala qaybsanin majirto beelnimo kursi Madaxweyne lagu magaadho bulshada Somaliland waxa lagu gaadhaa kasbashada codka bulshada Somaliland.waxaana mushkilada guddi reer leeyahay in lagu mashquulo reeraha Somaliland gudiyo waa leeyihiin,waxan gudida beeshan loogu mashquulo ee habeen iyo maalin laysku waydiinayaa waa wax ujeedo laga leeyahay.oo lagu xoqxoqayo jiritaanka beesha guddi kasta oo danaha reerka ka shaqaynaysa in aan taageero waa igu waajib,”.
