Halkan Ka Akhriso Natiijooyinka Ciyaaraha Gobolada Somaliland+ Saaxil Oo Afka Ciidda Loo Daray+ Sool Iyo Sanaag Oo Isku Ag Dhacay

Borama/Burco-(Saxilnews)- Koobkii ciyaaraha gobolada Somaliland ayaa waxaa u maraya meel xamaasad leh,isaga oo maraya maalintii 4-aad, taasi oo lagu cayaarayo magaalooyinka Burco Iyo Booramma, waxaana galabta foodda is-daray xulalka gobolada, Gabiley, Saaxil, Sool iyo Sanaag

Garoonka Burco waxaa foodda is-daray labada xul ee Sanaag Iyo Sool. ciyaartan oo ahayd mid aad u xamaasad badan ayaa ku dhammaatay 1-1.

Dhinaca gobolka Awdal ayaa waxaa galabta wada dheeley labada xul ee Gabiiley iyo Xulka Gobolka Saaxil, kuna ciyaarayey garoonka Xaaji Daahir Staduim ee magaalada Boorama.
Ciyaartan oo ahayd mid aad u xiiso badan ayaa waxaa dhulka lala dhacay xulka gobolka Saaxil, halkaasi oo afka ciidda loo galiyey xulka gobolka Saaxil.Goolhaya xulka gobolka Saaxil ayaa waxaa asqeeyey weerarka ciyaartooyga gobolka Gabiiley, halkaasi oo ay ku tumeen 4-1.

Saaxil-1-4-Gabiiley

Sool-1-1-Sanaag