Muqdisho ( saxilnews)- Guddoomiyaha baarlammaanka Dowladda federaalka ah ee Soomaaliya, Maxamed Sheekh Cismaan (Jawaari) ayaa magaalada Muqdisho kula kulmay saraakiil katirsan booliska maamul-goboleedyada dalka.
Kulanka ayaa looga arinsaday sidii loo xoojin lahaa wadashaqaynta taliska ciidanka Booliska Soomaaliyeed iyo qaybihiisa maamul-goboleedyada, sida uu warbaahinta u sheegay taliyaha ciidanka Booliska Soomaaliyeed, Jeneraal Maxamed Xasan Xaamud.
Jeneraal Xaamud ayaa tilmaamay in kulanku kaalin mug weyn ka qaadanayo fulinta waajibaadka qaran ee ciidanku u hayo dalka iyo dadka.
Guddoomiyaha baarlammaanka federaalka ah ee Soomaaliya, Maxamed Sheekh Cismaan (Jawaari) ayaa saraakiisha ka qaybgashay kulanka kula dardaarmay inay iska kaashadaan sidii ay ugu adeegi lahaayeen ummadda, una sugi lahaayeen guud ahaanba amniga dalka.
saxilnews005@gmail.com
