YOUTUBE/LOGAN PAULShirkadda YouTube ayaa jartay xiriirkii xayaysiinta ee ay la lahayd nin caan ka ah bartan muuqaallada la iskula wadaago ka dib markii uu baahiyay muuqaal muujinaya qof mayd ah oo u muuqda in uu is dilay.
Logan Paul ayaa laga joojiyay barnaamijka shirkadda YouTube ay lacagaha ku kiiso dadka muuqaallada ay soo galiyaan aad loo daawado.
YouTube ayaa sidoo kale hakisay xiriirkii u horreeyay ee ay kala sixiixdeen ninkan Maraykanka u dhashay.
Paul ayaa soo bandhigay muuqaal uu ka duubay nin mayd ah 31 bishii Diseembar, taas oo caro wayn dhalisay.
Muuqaalka ayaa laga dhex arki karaa isaga iyo saaxiibkii oo ku sugan kaynta Aokigahara ee dalka japan, buurta Mount Fuji ee halkaas ku taala ayaana caan ku ah dadka is dila.
- Shan qaab oo lacag looga sameyn karo YouTube
- YouTube oo masaxday muxaadarooyinkii Sheekh Anwar Al-Awlaki
- Hindiya: Majaajileeste loo xiray inuu haween ku dhunkaday waddooyinka
Iyaga oo muuqaal iska duubaya ayayna ku soo baxeen mayd nin wayna argagaxeen balse kaftan ayay ku dareen.
Lama garanayo aqoonsiga ninka maydka ah.
Dadka aragtidooda ka dhiibtay muuqaalkan ayaa ku tilmaamay “ixtiraam darro iyo arrin aad u fool xun” muuqaalkan intii aan Youtube laga saarin waxaa la daawaday malaayiin jeer
