Waxaana deegaanadaasi la sheegay in ay xaaladooda amni kacsan tahay kadib markii maalinkii shalay ahayd ay is rasaasayni dhex maray ciidamada qaranka Somaliland ee ku sugan jiida hore ee gobolka Sool iyo ciidamo maleeshiiyad ah kaas oo ka dhacay deegaanka Kalabaydh oo ka tirsan Koonfurta gobolka Sool.
deegaanadan ayaa ay xukuumadda Somaliland kusoo daad gureysay ciidamo tiro badan kuwaas oo sugaya amaanka deegaanka.
Sidoo kalena wararku waxay intaa ku darayaan in ciidamada qaranka Somaliland ee deegaanadaasi lasoo dhoobay ay xabsiga u taxaabeen dad badan oo ay uga shakiyeen in ay wadaan abaabulka khal-khal nabadgaliyo daro,waxaana dadkaasi losoo dhaadhiciyey sida la sheegay xabsiga magaalada Laascaanood.sidoo kalena bulshada deegaanadaasi ku dhaqan ayaa waxa soo food saartay cabsi ay ka baqayaan in coolaado kale ka istaadhmaan deegaanada koonfurta gobolka Sool.
Dhanka kalena waxa iyagu deegaanadaasi kusii qul-qulaya cuqaal,waxgarad iyo madax-dhaqameed ka kala socda beelaha Somaliland kuwaas oo u tagay sidii ay u kala dhex dhexaadin lahaayeen labadan beelood ee walaalaha ah ee ku diriraya deegaanada koonfurta gobolka Sool.
Ilaa hadda lama garanayo halka ay ku danbayn doonto colaadan sokeeye ee ka taagan deegaanada Koonfurta gobolka Sool.
