Hargeysa (SaxilNews):- Ka Hor intii aanu madaxweyne Siilanyo safar ugu bixin dalka aynu jaarka nahay ee Ethiopia waxaa ilo xog ogaal ah oo soo gaadhaya shabakada Ilaysnews.com ay sheegayaan in kulan garnaqsi ahi uu ku dhex maray xarunta madaxtooyada Madaxweyne Siilanyo oo uu weheliyo gudoomiyaha xisbiga Kulmiye .
Siyaasiyiintan ka soo jeeda beesha Arab gaar ahaan jilibka (Cabdale abakor iyo Sheekh Cismaan ) ayaa waxaa hogaaminaayey siyaasiyiin , ganacsato iyo masuulyiin xukuumada xilal ka haya oo beeshaasi ka soo jeeda .
xogahan ayaa waxaa ay tilmaamayaan in kulankan oo ahaa mid garnaqasi ah ay odayaasha beeshu madaxweynaha hor dhigeen sababta gudoomiyaha Kulmiye beeshan loogu wareejin waayey oo ay sheegen in ay iyagu sanadkan xaq u leeyihiin .
Gudoomiyaha xisbiga Kulmiye oo madasha goob joog ka ahaa ayaa inta uu kacay waxaa oo magacaabey mid ka mid ah odayaashi madasha fadhiyey oo uu ku yidhi hada ma kugu wareejiyaa gudoomiyaha Kulmiye
Odeygii oo carabaabey gudoomiye Muuse Biixi ayaa sida ay ilahan xogagaalka ahi xaqijiyiin waxaa uu gudoomiye Muuse Biixi ugu jawaabey ” iminka aniga ha igu wareejinin ee Muusow warbaahinta ka shaaci ” .
Gudoomiye Muuse biixi ayaa waxaa uu odayaashi marl labaad ku celiyey oo madasha ka yidhi hadlo uu kaga cudur daaranayo in uu warbaahinta arintaasi wakhti xaadirkan ka shaaciyey
Gabo gabadii odayaasha iyo madaxweynaha oo kulan dheer qaatey ayaa waxaa ay xogahan Ilaysnews.com helayso ay sheegayaan in ay isla meel dhigeen mansabyo wasiiro ah oo uu madaxxweynuhu u kordhiyo beesha iyo arimo la mid ah oo awoodaha madaxweynaha ah .
Isku soo wada duubo kulankan ayaa waxaa uu ku soo beegamayaa wakhti uu musharaxa madaxweyne ee xisbiga Waddani Cabdiraxmaan Ciro kursiguu gudoomiyaha xisbigaas uga kacay xildhibaan Cabdiqaadir Jirde .
