Hargeysa (SaxilNews):- Khilaafkii mudooyinkii ugu danbeeyey ka jiray xisbiga mucaaridka UCID ee labada garab u kala jabiyey ayaa waxaa ay dhegsiga dacwadiisu hada si toos ah uga bilaabmatey maxkamada sare ee Somaliland taas oo ka garniqi doonta .
Labadan garab ee maanta maxkamada Sare u garniqi doonto ayaa waxaa kala hogaaminaya Gudoomiyaha xisbigaasi Eng Faysal Cali Waraabe iyo garabka kale oo uu hogaaminaayo gudoomiye ku xigeenka saddexad ee xisbigaasi Muj.Cali Guray waxaana maxkada sare u soo gudbiyey oo racfaan u soo qaatey gudoomiye Faysal oo ka biyo diiday qodobo kamid ah go,aamo ay hore gudida diwaangalintu uga soo saareen khilaafkan
Khilaafkan xisbiga UCID ee saaka maxkada sare ku jira ayaa waxa ka garniqi doona 11 garsoore uu hogaaminaayo gudoomiyaha maxkamada Sare Prof Aadan Xaaji Cali , waxaaa uu gudoomiyaha maxkamada sare warbaahinta u sheegay in go,aankoodu u soo bixi doono sida ugu dhakhsaha badan
Waxaa xusid mudan in ay tahay markii labaad ee maxkada sare ee Somaliland ka garnaqdo khilaaf soo kala dhex galay masuulyiinta xisbiga UCID
