Moqdisho (SaxilNews):- Wasiirka Arrimaha Dibadda Soomaaliya C/salaan Hadliye oo goor dhow la hadlay Idaacada BBC-da ayaa xaqiijiyay in Madaxweynaha Sudan Cumar Xasan Al-Bashiir aanu ka soo qeyb geli doonin shirka Madaxeedka IGAD ee goor dhow ka furmaya Muqdisho.
Wasiir Hadliye ayaa sheegay in Madaxweyne Al-Bashiir uu cudur daar soo diray, isla markaana uu u matalayo shirka Safiirka Sudan u fadhiya Muqdisho.
“Madaxweynaha Sudan wuu cudur daartay, shirka ma imaanayo, waxaa u matalaya Safiirka Sudan”ayuu yidhi Wasiirka Arrimaha Dibadda Soomaaliya.
Wariyeyaasha ku sugan xarunta shirka ka dhacayo ayaa soo sheegaya in shirka uu furmi doono 3-da Galabnimo, isla markaana Madaxda ay soo dhameystirmi doonaan.
