Jeddah(Saxilnews.com)-Boqor Salmaanka dalka Sucuudiga ayaa ballan qaaday inuu jawaab ka bixin doono weerrarkii ismiidaaminta ahaa ee lagu qaaday meel u dhaw Al-Masjid Al-Nabiwi ee magaalada Madiina, oo ah mid ka mid ah meelaha ugu xurmada badan dhulka Muslimiinta.
Afar askari ayaa halkaasi lagu dilay.
Sidoo kale waxaa jiray laba weerrar oo ka fudud midkaasi ka dhacay Madiina oo isla maalintaa lagu qaaday meela kale oo ka tirsan boqortooyada.
Weli lama garanayo cidda weerarrada xidhiidhka ah fulisay laakiin sida muuqata way u ekaayeen noocii kooxda la baxday dowladda Islaamka.
Waanay caddahay in mitidiinta Islaamiyiinta ahi ay si ad ah isha ugu hayeen Sacuudi Arabia.
Haatanna boqor Salmaan ayaa iyaga fariin u diray oo sida muuqatayna toos ugu socotay kuwa xagjirka ah, waxaanu yidhi dalkiisu, waa siduu hadalka u dhigaye, wuxu gacan bira wax kaga qaban doonaa kuwa isku dayaya inay duufsadaan maanka dadka da’yarta ah.
Isla markaana ay ogsoonyihiin in quwadahaa halista ahi ay isku dayayaan inay qortaan dhaliyarad Sucuudiga
