WAR DEG DEG AH:-KHASAARE KA DHASHAY DAGAAL LABA BEELOOD KU DHEX MARAY DEEGAAN KA TIRSAN GOBOLKA SANAAG

Shan Qof ayaa lagu soo waramayaa in ay ku dhaawacmeen Dagaal Kooban oo Deegaanka Fadhi Gaab oo ka Tirsan Gobolka Sanaag ku dhex maray Laba Beelood oo walaalo ah oo wada dega Gobolka Sanaag.

Fadhi Gaab oo 40 Km ujirta ceel afweyn ayaa dagaalkan soo cusboonaaday oo ka duwan kii labada Beelood hore ugu dhex maray deegaankaasi , waxa ay wararku sheegayaan in uu ka dhashay aano laba Beelood hore u Kala Gaadhay.

Dhaawaca dagaalkaasi uu sababay ayaa la keenay Cusbitaal ku yaala Magaaladda Ceel Afweyn,halkaas oo hadda lagu dabiibayo.

In kasta oo ay yar yihiin wararka laga helayo deegaankaasi, hadana ilo wareedyo u dhuun daloola

ayaa hadhwanaagnews u xaqiijiyay in la damiyay Dagaalkaasi, iminkana aanay jirin wax dagaal ah oo labada beelood dhex Marayaa.

Dhawaan ayuun bay ahayd markii ay xukuumadda Somaliland ku kala guntatay laba Beelood oo ay dirir ku dhex Martay Darar Weyn oo ka tirsan Gobolka Sanaag.

Wixii War ah ee ka soo kordha kala soco saxilnews.com