Saxilnews.com
Salva Kiir: Waan saxiixayaa heshiiska
August 25, 2015 - Written by admin
Madaxweyne Kiir ayaa hadda sheegay inuu saxiixayo heshiiska nabadda.

Sudan (Saxilnews)-Madaxweynaha South Sudan, Salva Kiir, ayaa sheegay in heshiis nabadeed ee lagu soo afjarayo colaadda dalkaasi uu saxiixi doono Arbacada beri ah.

Mr Kiir ayaa todobaadkii lasoo dhaafay diiday inuu qalinka ku duugo heshiiska, oo uu saxiixay ninka ay ishayaan ee ah hogaamiyaha mucaaradka, Riek Machar.

Afhayeen u hadlay madaxweyne Kiir ayaa sheegay in hogaamiyayaasha dalalka Itoobiya, Kenya, Uganda iyo Sudan ay caasimada Juba uga qeyb galayaan munaasabadda heshiiska uu ku saxiixayo.

Madaxweynaha ayaa horay u codsaday in la siiyo 15 maalmood oo uu kusoo tashado, waxaana cadaadis lagu saarayay inuu aqbalo heshiiska awood qeybsiga ama uu muteysto cunaqabateyn.

Golaha ammaanka ee Qaramada Midoobay ayaa la filayaa inuu ka doodo qaraar qabyo ah oo lagu diyaarinayo cunaqabateyn ka dhan ah madaxda South Sudan, haddii ay saxiixi waayaan heshiiska.

 

 

 

 

maxamed xasan

 

 

saxilnews005@gmail.com

COMMENTS
Latest News