Hargaysa (Saxilnews.com)-
Taariikh: 20/02/2016
WAR-SAXAAFADEED
Madaxweynaha Jamhuuriyada Somaliland, Mudane Axmed Maxamed Siilaanyo waxa uu Digreeto Madaxweyne oo Summaddeedu tahay JSL/M/MG/241-3850/022016 ku Magacaabay guddi qaran oo u xilsaaran qabanqaabada Xuska Sannad Guurada 25aad ee ka soo wareegtay Maalinta Qarannimada Somaliland.
Direetada Madaxweynuhu ku magacaabay Guddida heer qaran waxay u dhignayd sidan:-
Ujeeddo: Magacaabid Guddida Agaasinka iyo Qaban-qaabadda Xuska 18 May.
Mudaneyaal iyo Marwooyin,
Sida aad la socotaan waxa foodda inagu soo haya haddii Eebe idmo Xuska Sannad Guuradda 25aad ee Maalinta Qarannimada Somaliland ee 18 May, taas oo loo baahan-yahay in sannadkan loo xuso si weyn, isla markaana Bulshada Somaliland dareenka qarannimadooda u soo bandhigaan Beesha Caalamka, meel kasta oo ay dunida dacalladeeda ka joogaan.
Sidaas darteed, waxaan mas’uuliyiinta qoraalkani sida tooska ah ugu socdo u magacaabay Guddida heer Qaran ee Agaasinka iyo Qaban-qaabadda Xuska Sannad-guuradda 25aad ee Maalinta Qarannimadda Jamhuuriyadda Somaliland ee 18 May.
Haddaba, waxaan Guddida Qaban-qaabadda ka rajaynayaa inay xil qarannimo iska saari doonnaan Xuska Maalinta 18 May oo mudan qadarin gaar ah. Sidoo kale, Maamullada Gobollada iyo Degmooyinka waxaan farayaa inay Guddida gacan buuxda ku siiyaan gudashada hawshan.
Xubnaha Guddida Agaasinka iyo Qaban-qaabadda Xuska 18 May.
- Wasiirka Wasaaradda Arrimaha Gudaha Guddoomiye
- Wasiirka Wasaaradda Maaliyadda Guddoomiye Ku-xigeen
- Wasiirka Wasaaradda Gaashaandhigga Xubin
- Wasiirka Wasaaradda Cadaaladda iyo Arrimaha Garsoorka Xubin
- Wasiirka Warfaafinta, Dhaqanka iyo Wacyigelinta Xubin
- Wasiiru Dawlaha Wasaaradda Madaxtooyada Xubin
- Maayarka Caasimadda Hargeysa Xubin
- La-taliyaha Madaxweynaha ee Arrimaha Haweenka Xubin
- Md, Sharmarke Axmed Muxumed (Xoghayaha Golaha Wasiirrada) Xoghaye
- Mudane, Caydaruus Mahdi Xaashi (Habmaamuus Ku-xigeenka Madaxtooyada)Xubin
- Mudane, Mustafe Sacad Dhimbiil (SONSAF) Xubin
12. Mudane, Maxamed Axmed Maxamuud (SONSAF) Xubin - Marwo, Nafisa Yuusuf Aw Muxumed (NEGAAD) Xubin
- Mudane, Siyaad Cumar Cali (SONYO) Xubin
ALLAA MAHAD LEH
Cabdiraxmaan Sh. Cilmi Fahiye (Shamax)
Af-hayeenka Madaxtooyada JSL.
Taariikh: 20/02/2016
WAR-SAXAAFADEED
Madaxweynaha Jamhuuriyada Somaliland, Mudane Axmed Maxamed Siilaanyo waxa uu Digreeto Madaxweyne oo Summaddeedu tahay JSL/M/MG/241-3855/022016 ku Magacaabay guddi heer qaran ah oo ka hawlgelidoona Ictiraaf Raadinta Jamhuuriyadda Somaliland.
Digreetada Madaxweynuhu ku Magacaabay Guddida Ictiraaf Raadinta ayaa u dhignayd sidan:-
Ujeeddo: Magacaabid Guddi
Mudanayaal iyo Marwooyin,
Sida aad la socotaan, waxay Xukuumadda Jamhuuriyadda Somaliland ku hawlan-tahay dardar-gelinta iyo xoojinta dedaallada ku aadan sidii Jamhuuriyadda Somaliland ictiraaf buuxa uga heli lahayd Beesha Caalamka.
Haddaba, si looga midho-dhaliyo hiigsigaa iyo rabitaanka runta ah ee Shacbiga Somaliland waxaan mas’uuliyiintan hoos ku xusan u magacaabay Guddida Heer Qaran ee Ictiraaf Raadinta Jamhuuriyadda Somaliland. Guddida waxa waajibaadkeeda shaqo bartilmaameed u ah Diyaarinta Qorshaha Ictiraaf Raadinta Jamhuuriyadda Somaliland, iyo ka talo-bixinta wada-hadallada Somaliland iyo Soomaaliya (Road Map).
- Wasiirka Wasaaradda Arrimaha Dibedda iyo iskaashiga Caalamiga ah, Dr. Sacad Ali Shire Guddoomiye
- Wasiirka Wasaaradda Madaxtooyada, Mudane Maxamuud Xaashi Cabdi
- La-taliyaha Madaxweynaha ee Arrimaha Ictiraaf Raadinta iyo Wada-hadalka Somaliland iyo Somalia, Amb. Xuseen Cali Ducaale (Cawil)
- La-taliyaha Madaxweynaha ee Arrimaha Dibedda, Mudane Cabdoo Axmed Aayar
- Wakiilka Wareega ee Somaliland Mudane, Raabi Axmed Mohamed
- Wakiilka Somaliland ee Turkiga Mudane, Cali Axmed Cismaan
- Wasiir Hore, Arrimaha Dibedda Marwo, Edna Aadan Ismaaciil
- Wasiir Hore, Arrimaha Dibedda Prof. Maxamed Siciid Gees
- Wasiir Hore, Arrimaha Dibedda Dr. Maxamed Cabdillaahi Cumar
- Wasiir Hore, Kalluumaysiga Cabdillaahi Jaamac Cismaan (Geeljire)
- Guddoomiyaha Jaamacadda Camuud Prof. Saleebaan Axmed Guuleed
- Professor, Macalester College, Minnesota Prof. Axmed Ismaaciil Samatar
- Dean, Kuliyadda Sharciga ee Jaamacadda HargeysaMudane, Maxamuud Xuseen Faarax
- Garyaqaan, Shuruucda Caalamiga ah Mudane, Ibraahin Xaashi Jaamac
- Guddoomiyaha Guddida Arr. Dibedda ee G.WakiladaDr. Axmed Cabdi Nuur Kijaandhe
- Guddoomiyaha Guddida Arr. Dibedda ee G.GuurtidaMudane, Axmed Daahir Jirde
- Guddoomiyaha Xisbiga UCID Eng. Faysal Cali Waraabe
- Xoghayaha Warfaafinta Xisbiga Waddani Aqoonyahan C/raxmaan Yuusuf Ducaale(Boobe)
Haddaba, waxaan idinka rajaynayaa inaad xil weyn oo mug iyo miisaan leh aad iska saari doontaan mas’uuliyaddan qaran ee aan idiin magacaabay, aniga oo ku kalsoon aqoontiinna, kartidiinna iyo hal-abuurka Eebe hibada idiin siiyey..
Waxaan farayaa dhammaan Wakiillada Somaliland u fadhiya dallalka dibedda iyo cid kasta oo ay khusayso arrintani inay Guddida gacan buuxda ku siiyaan gudashada hawshan.
ALLAA MAHAD LEH
Cabdiraxmaan Sh. Cilmi Fahiye (Shamax)
Af-hayeenka Madaxtooyada JSL.
WWW.SAXILNEWS.COM
