Garoowe (SaxilNews):- Bootaan Barre Samatar ayaa ku guuleystay kursiga 8aad ee xubnaha Puntland ku metelaya aqalka sare, isagoo daaqada kala baxay Gen. Maxamed Xirsi Morgan oo si weyn loogu saadaalinayey inuu guuleysan doono.
Musharaxa Bootaan ayaa helay 38 cod, halka Gen. Maxamed Xirsi Morgan uu ka helay 27 cod.
Baarlamanka Puntland ayaa weli waxaa ka socdaa doorashada xubnaha aqalka sare oo ay ku tartamayaan 26 xubnood oo laga rabo iney ka soo baxaan 11 xubnood.
Waxa la doortay illaa sideed xubnood oo ka mid ah 11-ka xubnood ee Puntland kaga mid noqonaya aqalka sare welina doorasaha waa socotaa iyadoo ay harsan yihiin 3 xubnood.
Kursiga koowaad ee xubnaha aqalka sare u metelaya Puntland ayaa waxaa ku guuleystay raisul wasaaraha Somalia Cumar C/rashiid oo isna ka adkaaday haweeney la tartameysay oo la yiraahdo Aamino Aadan.
C/raxmaan Faroole oo ahaa madaxweynihii hore ee Puntland ayaa ku guuleystay kursiga labaad ee xubnaha Puntland uga mid noqonaya aqalka sare.
Illaa hadda xubnaha la doortay waxay kala yihiin:-
1-Cumar C/rashiid Cali Sharma’arke
2-C/raxmaan Shiikh Maxamed (Faroole)
3- Cabdirisaaq Juurile
4- Farxaan Cali Xuseen
5- Cabdisalaan Xaaji Maxamuud
6- Mahad Daahir Shiikh Nuur
7- Hodon Maxamud Cismaan
8- Bootaan Barre Samatar
