Madaxweynaha Somalilland Md. Muuse Biixi Cabdi ayaa fariin u diray Guud ahaanba shaqaale waynaha somaliland.
 |
fariintan madaxweynaha oo ahayd mid uu ugu hambalaynayo maalinta shaqaale waynaha aduunka oo sanad walba 1 bisha May caalamka laga xuso ayaa waxa uu u rajeeyay in ay sanado badan oo kale ku gaadhaan Bashbash iyo barwaaqo.
waxaana war qoraal ah oo ka soo baxay Madaxtooyadda Somaliland oo uu nuqul Ka mid ahi soo gaadhay Hadhwanaagnews uu u dhignaa sidan “Madaxweynaha Jamhuuriyadda Somaliland, Mudane Muuse Biixi Cabdi, waxa uu munaasibadda 1-da May awgeed, hambalyo iyo bogaadin u dirayaa dhammaan Shaqaale-weynaha Jamhuuriyadda Somaliland, meel ay ku sugan yihiinba.
Madaxweynuhu wuxuu shaqaalaha Somaliland, uga mahadnaqay gudashada xilalka iyo masuuliyadaha kala duwan ee ay Qaranka u hayaan iyo sida hagar la’aanta ah ee ay uga dhabar adayga duruufaha nololeed ee kala duwan.
Sidoo kale Madaxweynuhu wuxuu Shaqaalaha Jamhuuriyadda Somaliland, ALLE uga baryey inuu ku asturo shaqooyinka kala duwan ee ay Qarankooda u hayaan, isagoo kula dardaarmay inay xoojiyaan saacadaha shaqada oo ay xil gaara iska saaran sidii ay u muujin lahaayeen waddaniyad una gudan lahaayeen waajibaadka ka saaran hawlaha muhiimka ah ee qaranka.” ayaa lagu yidhi Warkaasi ka soo baxay Xafiiska Madaxweynaha Somaliland.
