Saxilnews.com
DAWLADDA SOMALILAND OO DALKA GERMANY KUQABANAYSA SHIR MAALGASHI OO AY KASOO QAYB GALAYAAN MAALGASHADAYAAL CAALAMIYA.
November 9, 2016 - Written by Abdisalaan Harir

 

Hargeysa (Saxilnews) Wafti ballaadhan oo ay hogaaminayaan Wasiirada Ganacsiga iyo Arrimaha Dibadda JSL ayaa si balaadhan loogu soo dhaweeyay Magaalada  Funkfrant ee dalka Dalka Germany .

Waftigan  ayaa  ka kooban  , Wasiirka Ganacsiga iyo Maalgashiga JSL  Dr. Cumar Shucayb Maxamed ,Wasiirka Arrimaha Dibadda JSL Dr.  Sacad Cali, Guddoomiyaha  Rugta Ganacsiga  JSL iyo  ganacsato  reer Somaliland ah.

Ujeeddada Safarka  Waftigan balaadhan ayaa  ah  sidii ay ula shiri lahaayeen  Maalgashadaayaal Caalamiya ah, iyada  oo uu sheegay Wasiirka  Wasaaradda Ganacsiga iyo Maalgahiga JSL Dr. Cumar Shucayb Mohamed  in u jeeddada ay kaleeyihiin ay tahay sidii looga dhaadhicin lahaa  maalgashadayaasha caalamka inuu dalkeennu yahay dal u furan  maalgashi iyo Ganacsi.

Shirkan Maalgashi ayaa lafilayaa inuu qaato muddo  10 maalmood ah , halkaas

oo ay sidoo kale ganacsatada reer Somaliland  ay ku soo bandhigi doonaan  Ganacsiyadooda.

Shirkan ayaa si wayn loo sugayaa waxa uu ku soo kordhiyo  heerka dhaqaale ee dalka  JSL , iyada oo ay hore u jireen shirar maalgashi iyo ganacsi oo dalka dibadiisa lagu qabtay sida shirkii kadhacay 2014 kii magaalada  Landon  oo aan soo kordhin is badal lataaban karo, hasayeeshee  Wasiirka  Cusub  ee dhawaan loo magcaabay Wasaradda  Ganacsiga ayaa ah Wasiir khibrad balaadhan u leh  ganacsiga , muddo dheerna ahaa mid kamida Ganacsadayaasha  dalka.

 

COMMENTS
Latest News