Saxilnews.com
CALI KHALIIF GALAYDH AYAA KA HADLAY DAGAALO DHEXMARAY CIIDAMADA XOOGA SOMALILAND IYO NABAD DIIDKA KHAATUMO
February 20, 2015 - Written by admin

Muqdisho(Saxil News.com)-Dr. Cali Khaliif Galaydh, oo ku Magacaaban Hoggaamiyaha kooxda nabad-diidka ah ee Khaatumo ayaa ka hadlay weeraro gaadmo ah oo Maleeshiyaad kooxdiisa taabacsani maalmihii u dambeeyay ku qaadayeen ciidamada Qaranka ee deegaannada Sool iyo Buuhoodle.

Galaydh wuxuu sheegay inay doonayaan inay fidiyaan waxa uu ugu yeedhay Maamulka Khaatumo ee dhibaatada ka wada deegaannada Buuhoodle iyo Sool, isaga oo xusay I dagaalladii u dambeeyay ahaayeen kuwo qorshayaashooda ka mid ah “Tobankii maalmood ee ugu dambeeyay is-difaac iyo ciidamo Khaatumo ka tirsan ayaa waxay meel walba ku weerareen ciidanka Somaliland, waxaa ugu dambeysay weerar habeen hore dhacay”ayuu yidhi, waxaanu intaasi ku daray in waxa uu ugu yeedhay Maamulkiisa uu ku fidi doono meel walba oo ka mid ah meelaha ay joogaan ciidamada Qaranka Somaliland “Haddii aan nabad la helin waxaa waajib inaan dagaalanno oo aan xoreyno meelaha nalaga haysto oo dhan, waana taas tan ay fikradeennu kusoo ururi doonto”

 

 

cali-qaalif2 (1)

 

Galaydh, oo sii hadlaya ayaa sheegay “Annaga waxaa naga ballan ah ummadda waxa danteeda ah inaan ka shaqeyno” ayuu yidhi, isagoo ka hadlayey Magaalada Muqdisho oo uu ku joogo firxad, ka dib markii dabayaaqada sanadkii hore ay ciidamada Qaranku ka caydhiiyeen deegaanka Saax-dheer.

Dhawaan ayaa xaaskiisu warbaahinta u sheegtay in ciidamada FBI-da Maraykanku ku wargeliyeen inay Galaydh ka badbaadiyeen qorshe ciidamada Somaliland ku doonayeen inay ku dilaan, taasi oo ku keentay inuu soo dhaafi waayo Muqdisho.

SAXILNEWS/ MUQDISHO HEAD OFFICE

berbera2002@gmail.com

COMMENTS
Latest News