Sida warar hoose uu ku helay Wargayska Somalilandtoday, kulan dhexmaray Wasiirka Hawlaha Guud Iyo Murashaxa Xisbiga KULMIYE ayuu Muuse Biixi Cabdi ku war galiyay Cali Mareexaan inuu kula dagaal gali doono sidii uu Wasiirka Maaliyadda u noqon laha ee uu ugu badali laha Samsam Cabdi Aadan, in kasta oo ay siweyn isugu dhawaayeen qoyska Madaxtooyada Iyo Wasiir Samsam hadana Ololaha Muuse Biixi ayaan ahayn mid qarsoon.
Wasiirka Maaliyada Samsam Cabdi Aadan ayaa dhan keeda ka war heshay Ololaha Muuse Biixi Cabdi, balse Ilaa hadda kamay hadal.
Geesta kale waxaa la aaminsan yahay inuu khilaafka u dhexeeya Maxamuud Xaashi Cabdi iyo Samsam Cabdi Aadan uu qayb ka qaadan karo in qorshahani guulaysto maadaama uu Maxamuud Xaashi saamayn buuxda ku leeyahay isku shaandhaynta iyo magacabista xilalka muhiimka ah.
Si kastaba ha ahaate ololaha Muuse Biixi Cabdi waxa la ogaan doona inuu guulaysto iyo inuu guul daraysto marka Madaxweyne Siilaanyo sameeyo isku shaan dhayntiisa ugu danbaysa ee Golaha Wasiirada.
