Saxilnews.com
Madaxweynaha oo khudbad ka jeediyey Xidhitaanka Shirkii Xisbiga Kulmiye
November 11, 2015 - Written by admin

Hargeisa (SAXILNEWS)_Madaxweynaha Qaranka Somaliland Mudane Axmed Maxamed Siilaanyo ayaa maanta ka qaybgalay soona xidhay shirkii xisbiga kulmiye ee shalay bilowday laguna doortay Musharaxa Madaxweynaha Mustqabalka Mudane Muuse Biixi Cabdi iyo ku-xigeenkiisa Mudane Cabdiraxmaan CabdilaahI Ismaaciil (Saylici).

Xidhitaanka ka hor ayuu gudoomiye, Musharax MD Muuse Biixi Cabdi waxa uu madaxweynaha Qaranka gudoonsiiyey Shahaado sharaf ka turjumaysay hanaankii Dimuquraadiyada ahay ee madaxweynuhu uga tanaasulay sharaxnimada Xisbiga Kulmiye dhexdiisa, isaga oo madaxweynuhu noqday Guud ahaan Afrika Madaxweynihii labaad ee isaga oo xil haya shaaciya in aanu mar danbe u tartamayn hogaanka dalkiisa.

Khudbadii madaxweynaha oo u dhignayd sidan

Shirka 5aad ee Golaha Dhexe ee Xisbiga Kulmiye.

Bismilaahi Raxmaani Raxiim.

 

Ø Hoggaanka, Guddiga Fulinta iyo Xubnaha Golaha Dhexe ee Xisbiga Kulmiye, dhammaan waxaan ku hambalyeynayaa guusha uu ku dhammaaday shirkii  Shanaad ee Golaha Dhexe ee Xisbiga ee labada maalmood socday.

 

Ø Waxaan Hambalyeynayaa labada Musharax ee Xisbigu u doortay tartanka doorashada soo socta, waxaan u rajaynayaa guul.

Ø Waxaan u hambalyeynayaa Wasiirka Caafimaadka, Mudane Saleebaan Ciise Axmed (Xaglo-toosiye), oo si fiican u tartamay, Inkasta oo aanu ku guulaysan damaciisii, hasa-yeeshee, wuxuu muujiyey dadaal iyo bisayl siyaasadeed oo badan.

 

Ø Waxaan u mahadnaqayaa marti sharafta ka soo qayb gashay madashan.

 

Ø Waxaan idinka mahad-celinayaa shahaado sharafta aad igu maamuusteen.

 

Ø Waxaan ugu baaqayaa haldoorka Xisbiga Kulmiye in ay midooban, wixii turxaan iyo tabasho ah ee dhex timina ay wada hadal ku dhamaystiraan.

 

Ø Ugu dambayn, waxaan u dardaaraya, Gudoomiyaha Xisbiga Kulmiye, ee ah murashaxa Madaxweynaha mustaqbalka, in uu dadaal dheer u galo midnimada iyo isku haynta Xisbiga.

 

 

MAXAMED ILKACASE

 

OFFICE/HARGEISA

 

COMMENTS
Latest News