Saxilnews.com
MA DHABAA IN MADAARKA MAGAALADA BERBERA LAGA DHIGAAYO SALDHIG MILITARY OO DAWLADU IMAARADKU LEEDAHAY
September 30, 2016 - Written by Abdisalaan Harir

 

Hargeysa (Saxilnews):- Tan iyo intii uu madaxweyne Siilanyo safarka ugu baxay dalka imaaradka carabta ayaa waxaa soo baxaayey  hadal hadeyno badan oo bulshada Somaliland gudo iyo dibad ba  isla  dhex mareyso.

 

Waxey aheyd goor fiid ku dhawaad ah  markii uu madaxweyne Siilanyo iyo wafti uu hogaaminaayo ay diyaarad khaas ah kaga duuleen madaarka diyaaraha ee Hargeysa madaxweynaha iyo waftigiisuna lamay  hadal saxaafada oo  kamay warbixin safarkooda marka laga reebo qoraal kooban oo uu  afhayeenka madaxtooyadu u soo  diray saxaafada .

Hadaba  waxii ka danbeeyey safarkaasi madaxweyne Siilanyo fiidnimada kaga caraabey magaalada Hargeysa waxaa soo baxaayey warar aan si rasmi loo xaaqiijin oo sheegay in ujeedka ugu weyn ee madaxweyne Siilanyo u tagey dalka imaaradka  ila iyo  hadana ugu sugan yahay ay  tahay  wada hadlo ku aadan dawlada Imaaradka carabta oo la sheegay in ay dooneyso isla markaana ay aad u daneynayso in madaarka diyaaraha ee Magaalada Berbera ay ka dhigato saldhig dhinca cirka oo ay danaheeda ka ilaashato .

Ma jiro war arintani ku saabsan oo xukuumada Somaliland ama dawlada imaaradka ka soo baxay balse ilo xog  ogaal ah oo ay shabakada Ilaysnews.com helayso ayaa tibaxayaa in ay dhawaan dalka yimaadeen saraakiil military dhinca difaaca cirka ah oo ka socdey dawlada imaaradka kuwas oo indho indheyn ku sameeyey  madaarka Berbera  , sidoo kale xoguhu ay xusayaan in dawladu imaaradku ay aad u daneynayso saldhig military  oo ay ka sameysato magaalada Berbera oo ay u aragto mid aad ugu habon

Dhinca kale waxaa xusid Muddan in safarka madaxweyne Siilanyo ku joogo dalka Imaaradka uu ku wehelinaayo wasiirka wasaarada Duulista iyo Hawda Muddane Farxaan Aadan Haybe oo isaga wasaaradiisu maamusho dhamaan madaarada dalka

Dhawaan ayey aheyd markii xukuumada Somaliland ay si rasmi ah ugu wareejisay shirkad Dp World oo laga leeyahay dalka Imaaradka carabta mamulka dekada Berbera muddo 30 Sanadood Ah .

Madaxweyne Siilanyo ayaa  la filayaa in maalmaha soo socda uu dalkaasi u sii dhaafi doono magalada London Ee dalka UK.

COMMENTS
Latest News