Saxilnews.com
Dawlada Somaliya Oo Shaacisay In Ay Maamuli Doonto Mashaariicda Horumarineed Ee Midowga Yurub Bixiyo + Mooganaanta Somaliland
May 28, 2017 - Written by suxufi

Moqdisho (SAxilnews):- Dowladda Federaalka ah ee Soomaaliya ayaa waxaa ayshaacisay in ay maamuli doonta mashaariicda horumarineed ee Midowga Yurub uu siiyo Soomaaliya, kaddib markii wafdi ka socda Midowga Yurub la kulmeen Madaxweynaha iyo wasiiro ka tirsan xukuumadda.

 

Madaxweynaha Somaliya iyo wafdiga ka socday Midowga Yurub ayaa ka wada hadlay sidii Midowga Yurub u sii joogteyn lahaa taageerada Soomaaliya, isla markaana dowladda Federaalka ay u maamuli laheyd mashaariicda uu bixiyo Midowga Yurub

Agaasimaha Guud ee Midowga Yurub u qaabilsan gargaarka iyo horumarinta ayaa sheegay inay sii socon doonaan taageerada ay siiyaan Soomaaliya

 

Wasiirka Qorsheynta Jamaal Maxamed Xasan oo warbaahinta la hadlay ayaa sheegay in Midowga Yurub iyo Soomaaliya kala saxiixdeen mashaariic ay ugu deeqeen Soomaaliya, isagoo xusay in mashaariic ay ka mid yihiin maamul wanaaga, horumarinta iyo gar gaarka Soomaaliya iyo kor u qaadida tayada Wasaaradaha, wuxuuna xusay in wixii maanta ka dambeeya ay maamuli doonto dowladda Federaalka, gaar ahaan Wasaaradda Qorsheynta.

Wasiirka ayaa ugu danbeyntii, sheegay in Midowga Yurub ay markii hore saxiixi jireen mashaariicda, balse waxaa uu tilmaamay wixii hada ka dambeeya ay dowladda Federaalka ay leedahay saxiixeeda iyo maamulkeeda.

Ilaa hada ma kala cada in mashaariicda Ay Somaliland siiso Midowga Yurub ay ku jiraan mashaariicdaas ay dawlada Somaliya saxeexeeda maanta lagu wareejiyey iyo in kale

COMMENTS
Latest News