Saxilnews.com
Dadweynaha Xaafada New Hargeysa Oo Saaka Dirqi Kaga Riday Xabaalo Uu Iibiyey Maayar kuxigeenka Caasimadu
December 9, 2015 - Written by admin

Hargeysa (SAXILNEWS.COM)_Dadweynaha Xaafada New Hargeysa ayaa maalmahanba difaac adag ugu jiray sidii ay u badbaadin lahaayeen xabaalo kuyaala agagaarka waaxda Macalin Haaruun oo uu faasaxay Maayar Kuxigeenka Caasimada Hargesa Mudane Cabdicasiis Maxamed Xaashi oo sii haya xilka Gudoominta Golaha Deegaanka Caasimada kadib markii Duqa Caasimadu socdaal ugu baxay dalka Itoobiya

Dadweynaha Xaafadan New Hargeysa oo maalmihii u danbeeyeyba fariimo culus warbaahinta madaxa bamaan u marinaayey. Golaha Deegaanka Caasimada iyo guud ahaanba Bulshada Somaliland

Taas oo ay kaga digaayeen dhibaatada ka dhalan karta hadii la isku dayo in cid laga iibiyo xabaalaha ay ku aasan yihiin dadkoodii geeriyooday ee ay ehelka ahaayeen

Dadweynaha Xaafadan ayaa eeda arintan waxa ay dusha usaareen Maayar Kuxigeenka Caasimad Hargeysa Cabdicasiis Cagaweyne oo ay tilmaameen inuu kasii faaidaysanaayo waqtiga yar ee uu Maayarka Caasimadu dalka ka maqanyey

Dadweynaha xaafadan oo aad uga gadooday markii ay arkeen iyadoo cagaf la galiyey xabaalihii ayaa waxa isla markiiba abaabuleen sidii ay uga dhicin lahaayeen Maayar Kuxigeenka Xabaalahan uu iibsaday iyadoo ay baabuur saareen Sameecado taas oo ay isku gaadhsiinaayeen sidii ay u badbaadin lahaayeen Xabaalahan,

Dhinaca kale ayaa Dadweynaha xaafadan oomaalmihii ugu danbeeyeyba iska uruurinaayey kharashka deyr weyn oo lagu wareejinaayo Xabaalahan ayaa ku guulaystay manta inay bilaabaan seeskiisa iyadoo markii ay bilaabeen seeskii Deyrka Xabaalaha uu soo weeraray Maayar kuxigeenka Caasimada oo wata Askar tiro badan si looga joojiyo Deyrkan Xabaalaha uu iibinaayey taas oo kacdoon iyo cadho horle ka abuurtay goobta

Gabagabadiina waxa goobta yimi Taliyaha Guud ee Ciidamada Booliska Somaliland iyo Wasiir Kuxigeenka Amniga ee Wasaarada ArimahaGudaha

Ku waasoo u fasaxay Dadweynaha Xaafada inay Xabaalaha Deyrka ku wareejiyaan iyagoo isla markaasina layaabay masuuliyiintii dawlada hoose ee la safnaa Maayar kuxigeenkan iibiyey Xabaalaha

 

COMMENTS
Latest News